Amek ara tɛiwneḍ agrud ad isew iman-is
Heggit-d amkan yelhan
- Asmi ara yizmir kan ugrud ad yeṭṭef kra n tɣawsa gar yifassen-is, efket-as ad yeṭṭef lkas n waman. Asmi ara as-tefkem lkas mačči d tabibrunt ad iḥuss i yiman-is amzun d ameqqran. Ad yesɛu laman deg yiman-is.
- Heggit-as tabuqalt tamecṭuht akken ad yizmir ad d-yessureg iman-is ayen ara isew.
Mlet-as i ugrud amek ara isew deg lkas
- S leɛqel s leɛqel, mlet-as amek ara yettaṭṭaf lkas gar yifassen-is u ad t-yessiweḍ ɣer yimi-s akken ad isew.
- Asmi ara yizmir i waya, tzemrem ad as-temlem amek ara yessurug aman neɣ iẓmi n ččina neɣ ayefki ɣer daxel n tbuqalt.
Efket-as lweqt
- Ussan imezwura, ad yettwezziɛ aman ɣef lqecc-is neɣ ɣer lqaɛa. ulac fell-as, acku tura kan i yebda ilemmed. Maca cfut bli agrud iḥeffeḍ mi ara yessexser. S wakka cwiṭ, cwiṭ alma yuɣal yezmer ad isewiman-is.
Amek ara d-isureg ayen ara isew
- Xedmet cwiṭ n waman kan daxel n tbuqalt.
- Refdet tabuqalt s yiwen n ufus, tsurgem-d cwiṭ seg-s.
- Siwḍet imi n tbuqalt ɣer tlemmast n lkas, tsurgem-d s leɛqel.
- Serset tabuqalt
- Ddem lkas s sin n yifassen, teswem.
- Mi ara tsersem tabuqalt d lkas ɣef ṭṭabla, xedmet-tt snat n tikkalt akken ad iẓer amek ara yeṭṭef yal taɣawsa s sin n yifassen.
