Ad irebbi iman-is
Ɛiwen-iyi ad iliɣ d amasay ɣef yiman-iw
Ɛiwnet agrud-nwen ad yelmed ad yettkel ɣef yiman-is, d ayen i yuɛren ɣef yimawlan. Nebɣa ad nettkel ɣef ugrud-nneɣ ad yettqadar timetti. Tzemrem ad terrem agrud ad yesnerni iman-is ad irebbi iman-is s 3 n yiberdan-agi :
Swejdem-d amkan ara yeǧǧen agrud ad irebbi iman-is ad yennerni
Skecmem agrud deg tudert-is n yal ass, grem-t deg yimahilen (lxedmat) ara yextir
Efkem-as lweqt i ugrud ad yurar deg uxxam ayen yebɣa akken i yebɣa.
Imahilen ara ixeddem
Ur tḥemmlem ara ahat ad tberzem neɣ ad tsirdem leqcuc, maca igerdan ḥemmlen aya. Mi ara qeddcen yid-wen deg uxxam ; ttḥussun s twacult yerna ad yili d amasay ɣef lefɛayel-is.
Tekkit dagi akken ad teẓrem amek ara as-txeddmem i ugrud imahilen deg uxxam.
Xdem ifranen
Imi agrud d netta ara ifernen acu ara yexdem, ad yebdu ad yettxemmim iman-is, d ayen ara t-yeǧǧen ad yelmed ad iferren ad yettaddam tiktiwin-is, d tarrayt yelhan ad yesnerni tikli-s iman-is s tektiwin-is.
Tekkit dagi akken ad teẓrem amek ara tɛiwnem agrud ad iferren iman-is..
Ad yexdem tuccḍiwin
Nlemmed s waṭas deg tuccḍiwin-nneɣ kter n wayen i nettwenniɛ, ula d igerdan diɣen akka ; yuwi-d ad ccḍen akken ad lemden u ad issinen.
Tekkit dagi akken ad tlemdem amek ara tqablem tuccḍiwin n ugrud, d wamek ara yelmed s tuccḍiwin-is.
Xedmem-as tilisa
Agrud ilaq ad iẓer d acu i yezmer ad t-yexdem d wacu ur ilaqen ara ad t-yexdem. Ilaq ad yissin tilisa-s deg wayen ixeddem akken ur ixeddem ara ayen ur ilaqen ara.
Tekkit dagi akken ad teẓrem amek ara as-txedmem tilisa i ugrud akken ad yennerni deg ttrebga-s
Tafrirt n tikli
Igerdan ur ɛelmen ara s tikliwin-nsen, ur ẓrin ara ma yella zemren ad xedmen kra neɣ xati. Cwiṭ cwiṭ mi ara yessemgirid ugrud deg lefɛayel-is, tzemrem imir ad t-tɛiwnem ad yessemgired deg wayen i yezmer ad t-yexdem d wayen ur ilaqen ara.
Tekkit dagi ad teẓrem amek ara tɛiwnem agrud ad iẓer d acu i ixeddem