Rreḥba n yiseqsiyen ɣef umeslay ɣer yigerdan

Ur ẓriɣ ara dacu i d-yeqqar

Agrud-iw ihedder yal ass maca tameslayt-is ur tefriẓ ara, daymi ur fehhmeɣ ara dacu i yebɣa ad d-yini. Amek ara t-sbeɣseɣ akken ad ikemmel ad ihedder ma yella nekk ur t-fehhmeɣ ara ?

Xas ur tfehhmem ara ayen i d-yeqqar ugrud-nwen, d kunwi ara d-yessefhamen xas di tegnit ideg ur tefhimem ara. Ilaq ad tfehmem lebɣi-s d wayen i t-iceɣben, amedya as-tinim : « Suref-iyi, ur k-id-fhimeɣ ara, sken-iyi-d akken ad d-fehmeɣ » Tikwal ilaq ad tesxedmem imeslayen-nwen akken ad d-tinim dacu i yebɣa neɣ dacu i yettḥussu, amedya : « Sḥasfeɣ imi tuwteḍ aqerruy-ik ɣer lḥiḍ, ahat iqreḥ-ik ». Mi ara yekkat akken ad yaweḍ ɣer kra n lḥaǧa ur tt-yuwiḍ ar, sxedmet awalen-nwen ur yezmir ara ad ten-id-yini netta, amedya : « A-t-an ttwaliɣ tettwehhiḍ ɣer lkas-ihin, tebɣiḍ ɛni ad d-trefḍeḍ lkas ? »